حسب التصريحات الرسمية الأخيرة الصادرة عن "الهيئة العامة للطيران المدني" في سوريا، في طبخة قوية عم تندمج على نار هادية لإعادة الرحلات المباشرة.
📌 أهم ملامح العودة المنتظرة:
خط دمشق - أمستردام 🇳🇱: الخطوة الأكبر اللي ناطرينها هي إطلاق رحلات مباشرة بين مطار دمشق الدولي ومطار أمستردام في هولندا. التوقعات والترتيبات عم تمشي لتجهيز أول رحلة بالأسابيع القادمة (بداية الشهر القادم). حتى إنو "السورية للطيران" جهزت السيستم تبعها وصار فيك تشوف خيار البحث عن رحلة لـ "AMS" (أمستردام) على موقعهم.
خط دمشق - ألمانيا 🇩🇪: رئيس هيئة الطيران المدني "عمر الحصري" صرّح بوجود مؤشرات إيجابية وتفاهمات فنية لرفع الحظر المفروض على الرحلات بين سوريا وألمانيا، وناطرين القرار النهائي قريباً جداً.
المصدر: الهئية العامة للطيران السوري
خط حلب - بوخارست 🇷🇴: مو بس الطيران الوطني اللي راجع؛ كمان الشركات الأجنبية بلشت تدخل على الخط! شركة الطيران الرومانية "دان إير" (Dan Air) أعلنت رسمياً إنها رح تبدأ تشغيل رحلاتها المنتظمة والمباشرة بين العاصمة الرومانية بوخارست ومدينة حلب ابتداءً من 1 تموز القادم.
💡 الخلاصة:
هاد التحرك يعتبر خطوة وتطور كبير لشبكة النقل الجوي السورية بعد غياب طويل. المغتربين بأوروبا اللي كانوا بياكلوا همّ "الترانزيت" والتعب بالمطارات، شكلهم قريباً رح يقدروا يحجزوا "تيكت" مباشر ويوصلوا بأسرع وقت!
هل يا ترى رح نشوف المطارات الأوروبية مليانة بطيارات السورية للطيران بالشهر القادم فعلياً؟ الأيام الجاية رح تكشف لنا 🇸🇾✈️🇸🇾😍✈️
ليست هناك تعليقات:
إرسال تعليق